‘n Skielike dood het ‘n groot leemte in Thulani se lewe gelaat

Die kroeë in Entumbane, Zimbabwe was nie vir Thulani Ndebele onbekend nie. Hy was dood eenvoudig ‘n dronkaard.

Hy het elke moontlike plek geken waar hy alkohol, veral bier, kon kry. Hy het ook geweet dat sy drink gewoontes sy vermoë om werk te kry benadeel het, maar hy was nie daaroor besorgd nie. Hy het geglo dat solank hy by sy ma en broers en susters gebly het, hulle hom sou help.

“Ek het al my geld op bier uitgegee,” sê Thulani. “Ek het gereeld laat by my werk opgedaag, al het ek die ambisie gehad om self ‘n besigheidsman te word.

In 1988 het ‘n tragedie Thulani getref en vir die eerste keer kon sy familie hom nie help nie.

“In Mei is my beste vriend dood aan malaria. Omdat hy my enigste vriend was, het sy dood my baie hard getref. Ek het só alleen en bang gevoel dat ek het iemand nodig gehad wat my vertroosting kon bied.”

Daar was oor die jare baie mense wat die evangelie van Jesus Christus met Thulani gedeel het, maar hy het dit altyd geïgnoreer. Selfs toe hy as kind Sondagskool bygewoon het, het hy meer belangestel in pret en plesier as om van God te leer. Hy was egter nou gereed om te luister en vertroosting uit die Bybel te ontvang.

“Eendag oppad werk toe het ‘n vrou die evangelie met my gedeel,“ onthou hy. “Sy het my na ‘n bybelstudie naby aan my huis uitgenooi. Ek het soontoe gegaan en Jesus Christus as my Verlosser aangeneem.”

“Die prediker het oor die liefde van God gepraat en ek was diep geraak dat iemand my so lief kon hê dat Hy gewillig was om vir my skuld te sterf. Ek het geweet ek het iemand nodig om my te vertroos nadat my vriend oorlede is, daarom het ek tot God gebid.”

Ek het gesê; “Here Jesus, ek glo dat U vir my sonde gesterf het en dat U opgestaan het uit die dood sodat ek die ewige lewe kan hê. Ek gee nou my lewe oor aan U.”

Na sy bekering het Thulani opgehou drink en is hy getroud. Hy het drie seuns en word in sy gemeenskap gerespekteer as ‘n man van God. Hy geniet sy nuwe beroep as pastoor en weet dat God by hom sal wees ongeag sy omstandighede.

Thulani sluit af; “God het baie van die hartseer uit my verlede uitgewis en voorsien nou in alles wat ek nodig het. Ek weet ek kan nie die verlede verander nie, maar ek is in staat om die toekoms te verander deur my geloof in God en te glo dat Hy getrou is aan Sy beloftes.”