Ukufa kungalindele muntu kwashiya uThulani nesizungu

Izinkantini zasentumbane, eZimbabwe zazimjwayele uThulani Ndebele — wayeyisidakwa esilula futhi esijwayelekile.

Wayezazi,zonke izindawo ezinotshwala noma ezidayisa utshwala kakhulu ubhiya. Wayazi futhi ukuthi inkinga yakhe yotshwala yayibeka umsebenzi wakhe engozini, kepha wayengenandaba ngoba wayekholelwa ekutheni ukuhlala nomama wakhe nabatwana bakubo kwakuzokwenza ukuthi bamsize ngasosonke isikhathi uma esenkingeni.

“Lonke iholo (wages) lami laliphelela kubhiya engangizithokozisa ngawo,” usho kanjalo uThulani. “Nsuku zonke ngangifika emva kwesikhathi emsebenzini, noma nganginesifiso sokuba ngusomabhizinisi”.

Ngonyaka ka 1988, isehlakalo esibi savelela uThulani okokuqala lapho umndeni wakhe wawungeke umsize.

“Ngenyanga ka May umngani wami engimthandayo wahlaselwa yisifo sikamalala eveva (malaria) wadlula emhlabeni,” usakhumbula.

“Ukufa kwakhe kwangiphatha kabi, ngoba kwakunguyena kuphela umngani wami. Ngazizwa nginesizungu futhi nginokwesaba, ngangidinga umuntu owayengangiduduza”.

Iminyaka eminingi abantu abaningi babezama ukuchazela uThulani ngezindaba ezimnandi zika Jesu Kristu, kepha wayengabanaki. Noma wake wazihambela izinkonzo zikaSonto skole (Sunday School) esengumfanyana wayezithandela nje ubumnandi ukudlula ukufunda ngoNkulunkulu. Manje wayeselungele ukulalela nokwamukela induduzo eqhamuka eBhayibhelini.

“Ngolunye usuku ngisaya emsebenzini ngahlangabezana nomunye wesifazane,” usakhumbula. “Wangichazela ngevangeli futhi wangimemela kwinkonzo yezifundo zeBhayibheli eyayingasekhaya. Ngaya kuso lesosifundo lapho ngafika ngamukela uJesu Kristu njenge Nkosi noMsindisi wempilo yami”.

“Umshumayeli noma umFundisi wachaza ngothando luka Nkulunkulu ngathinteka ngithintwa ukuthi kunomuntu ongithandayo kangangokuthi waze wangifela. Ngangazi ukuthi ngangidinga umuntu ozongithanda futhi angiduduze emva kokulahlekelwa ngumngani wami engimthandayo ngase ngiyakhuleka kuNkkulunkulu”.

“Ngathi kuye, Nkosi, Jesu, ngiyakholwa ukuthi wangifela, nokuthi wavuka ekufeni ukuze ngiphile ungunaphakade. Manje impilo yami ngiyinikela kuwe”.

Emva kokuzinikela kwakhe kuJesu, uThulani wayeka ukuphuza utshwala wase uyashada. Manje usenamadodana amathathu futhi uyahlonishwa ngumphakathi njengendoda ephilela uNkulunkulu. Uyawuthokozela umsebenzi wakhe omusha njengomfundisi futhi uyazi ukuthi kungakhathalekile ukuthi izinselela ezinjani ahlangabezana nazo uNkulunkulu uzohlala enaye ngeke amshiye.

“uNkulunkulu ungiphilisile kubuhlungu bami bangaphambilini futhi nezidingo zami uyahlangabezana nazo. Ngiyazi ukuthi ngeke ngishintshe okwenzeka ngaphambilini, kepha nginawo amandla okushintsha ikusasa ngokukholwa kuNkulunkulu nango ngokukholwa ukuthi uyazigcina izethembiso zakhe,” uyaphetha uThulani.